Вештини за здравје и благосостојба

Нагласете дека миењето на рацете, односно одржувањето на лична хигиена при секое ставање на влошка е многу важно. Посочете дека миењето на рацете е потребно поради допирањето на гаќите, при ставање на влошката.

Нагласете дека е многу важно опаковката и хартијата од влошката да се фрла само во корпата за отпадоци. Согласно можностите на Вашата ќерка/ученичка/роднина/корисничка посочете дека во спротивно, доколку истите ги фрли во шољата, таа ќе се затне. Доколку во WC нема корпа за отпадоци, тогаш посочете ја просторијата во која има корпа за отпадоци, во која може да ги фрли опаковката и хартијата (кујна, надвор пред влезна врата, двор и сл.). Користете модел за демонстрирање (хартија од влошка) за да го претставите движењето, односно фрлањето на хартијата и опаковката од влошката. Демонстрирањето можете да го изведете Вие или на Вашата ќерка/ученичка/роднина/корисничка да примените техника рака врз рака, каде со Вашите раце ги движите рацете на Вашата ќерка/ученичка/роднина/корисничка за таа да ја изведе активноста. На овој начин го поттикнувате моторното учење кај Вашата ќерка/ученичка/роднина/корисничка.

Доколку сте родител дозволете и на Вашата ќерка да се погледне во огледало, откако ќе ги облече гаќите со влошката. На тој начин ќе допие јасна претстава како изгледаат гаќите на нејзиното тело со ставена влошка.

Важно е Вашата ќерка/ученичка/роднина/корисничка да знае како изгледаат гаќи на кои влошката е добро наместена. Односно да знае каде треба да биде позиционирана влошка во однос на предната и задната страна на гаќите.

Демонстрирајте го лепењето на крилцата на гаќите, за да може Вашата ќерка/ученичка/роднина/корисничка да види во кој правец истите се лепат. Согласно можностите на Вашата ќерка/ученичка/роднина/корисничка посечете дека крилцата спречуваат влошката да се собере на гаќите, згужва при одење, седење, скокање, трчање и сл. На наместена влошка симулирајте капење на крв со обоена црвена вода. На тој начин визуелно ќе го претставите впивањето на влошката, односно нејзината улога и потреба од нејзино носење. Вашата ќерка/ученичка/роднина/корисничка ќе добие претстава за функцијата на влошката, како бариера меѓу гаќите и вагината.

Допрете ја лепливата страна од крилцата на раката на Вашата ќерка/ученичка/роднина/корисничка. Така таа ќе почувствува дека таа страна од крилцата лепи и полесно ќе може да запомни дека токму таа страна треба да ја залепи на гаќите. Посочете дека крилцата се виткаат кон назад и тогаш лепат на гаќите. Користете модел за демонстрирање (гаќи и чиста влошка) за да го претставите движењето, односно лепењето на крилцата. Демонстрирањето можете да го изведете Вие или на Вашата ќерка/ученичка/роднина/корисничка да примените техника рака врз рака, каде со Вашите раце ги движите рацете на Вашата ќерка/ученичка/роднина/корисничка за таа да ја изведе активноста. На овој начин го поттикнувате моторното учење кај Вашата ќерка/ученичка/роднина/корисничка.

Нагласете дека хартијата мора да се тргне за да крилцата се залепат на гаќите. Демонстрирајте го одлепувањето на хартијата од крилцата.

Согласно можностите на Вашата ќерка/ученичка/роднина/корисничка опишете ја страна на која се наоѓаат крилцата како предна. Исто така, можете да наведете дека крилцата се наоѓаат врз или на влошката. Посочете дека има две крилца, едно од левата, друго од десната страна.