Врски

Доколку во опкружувањето на Вашето дете/ученик/роднина/корисник има и други лица кои го бакнуваат во образ наведете ги и нив, за да се претстави и тој допир како пријатен (брат, сестра, соседи и сл.).

Опишете ја положбата на телото на момчето (стои блиску до мајката и дозволува таа да го бакне во образ) и лицевата експресија. Нагласете дека сето тоа покажува дека момчето му е пријатно што мајка му го бакнува во образ.

Доколку во опкружувањето на Вашето дете/ученик/роднина/корисник има и други лица кои го гушкаат наведете ги и нив, за да се претстави и тој допир како пријатен (наставничка, брат, сестра, соседи и сл.).

Опишете ја положбата на телото на момчето (стои блиску до мајката, главата е наведната кон неа) и лицевата експресија. Нагласете дека сето тоа покажува дека момчето му е пријатно што мајка му го гушка.

Дополнете дека докторот или докторката исто така може да ги допрат приватните делови на Вашето дете/ученик/роднина/корисник, кога е на преглед кај нив. Нагласете дека тоа е во ред и дека на тој начин докторот или докторката можат да му помогнат на Вашето дете/ученик/роднина/корисник да биде здрав или да оздрави, доколку е болен или има болка.

Дополнете дека на момчето му е потребна помош од татко му при бањање и токму затоа момчето се чувствува пријатно, односно стои мирно и дозволува татко му да му помогне. Доколку и на Вашето дете/ученик/роднина/корисник му е потребна помош при бањање споредете ја таа ситуација со илустрацијата. Исто така, доколку во семејството има и други лица кои обезбедуваат поддршка при бањање на Вашето дете/ученик/роднина/корисник набројте ги и нив (баба, дедо, брат, сестра или сл.).

Дополнете дека на момчето му е потребна помош од мајка му при бањање и токму затоа момчето се чувствува пријатно, односно стои мирно и дозволува мајка му да му помогне. Доколку и на Вашето дете/ученик/роднина/корисник му е потребна помош при бањање споредете ја таа ситуација со илустрацијата. Исто така, доколку во семејството има и други лица кои обезбедуваат поддршка при бањање на Вашето дете/ученик/роднина/корисник набројте ги и нив (баба, дедо, брат, сестра или сл.).

Опишете ја положбата на телото на момчето како опуштена и смирена (момчето стои до таткото и пријатно му е што го прегрнал). Исто така, нагласете ја лицевата експресија – насмевка.

Заедно со Вашето дете/ученик/роднина/корисник набројте ги сите ситуации, претходно дискутирани, во кои тој се чувствува неубаво/непријатно. Уште еднаш опишете ги лицевите експресии, со зборови познати на Вашето дете/ученик/роднина/корисник (детето е тажно, луто, не се смее, плаче, загрижен и сл.) кои тој ги има додека ги изведува/практикува претходно набројаните активности. Уште еднаш нагласете дека неубаво значи непријатно и обратно.

Опишете ја лицевата експресија на момчето на илустрацијата (многу му е топло, не се смее, не му е убаво, има капки пот и сл.). Дополнително опишете ја и поставеноста на телото (се обидува да се лади и сл.). Исто така можете да наведете и други ситуации во кои на Вашето дете/ученик/роднина/корисник му е многу топло (кога е лето, кога е на плажа, кога грее силно сонце и сл.). Покажете му на Вашето дете/ученик/роднина/корисник како изгледа Вашето лице и тело кога Ви е топло. Потоа побарајте од Вашето дете/ученик/роднина/корисник да покаже како изгледа неговото лице и тело кога нему му е топло. Предложените активности изведувајте ги пред огледало.