Човечкото тело и развој

Поимите јајчници, јајцеводи се тешки за изговарање, затоа не настојувајте премногу Вашето дете/ученик/роднина/корисник да ги изговори точно. Важно е истите да ги препознае на илустрацијата и да знае да ги именува како женски репродуктивни органи или само женски органи и да знае дека се наоѓаат внатре во стомакот на секое женско, поради што и не може да ги види.

Наведете и друга личност од семејството или блиското опкружување на Вашето дете/ученик/роднина/корисник со женски репродуктивни органи. Доколку изговарањето на поимот репродуктивни органи претставува тешкотија за Вашето дете/ученик/роднина/корисник истите именувајте ги само како женски органи. Важно е да се потенцира дека женските репродуктивни органи се наоѓаат внатре во стомакот на женското, не машкото. На овој начин се исклучува можноста Вашето дете/ученик/роднина/корисник да научи дека една личност има и машки и женски репродуктивни органи.

Наведете и друга личност од семејството или блиското опкружување на Вашето дете/ученик/роднина/корисник со машки репродуктивни органи. Доколку изговарањето на поимите репродуктивни органи, семевод и уретра, претставуваат тешкотија за Вашето дете/ученик/роднина/корисник истите именувајте ги само како машки органи или машки делови.

Посочете дека има неколку репродуктивни органи кои Вашето дете/ученик/роднина/корисник не може да ги види, токму поради тоа што се сместени во стомакот. Застанете пред огледало и на телото на Вашето дете/ученик/роднина/корисник посочете го долниот дел од стомакот во кој се сместени останатите репродуктивни органи кои не може да ги види семевод и уретра.

Нагласете дека има повеќе репродуктивни органи. Но, само пенисот и тестисите може да ги види Вашето дете/ученик/роднина/корисник.

Нагласете дека машките имаат машки репродуктивни органи, меѓу кои најпознати и најлесни за помнење се пенисот и тестисите. Потсетете го Вашето дете/ученик/роднина/корисник дека овие делови (пенисот и тестисите) се викаа и приватни делови на телото. Надоврзете дека истите тие приватни делови служат за создавање на бебе, поради што имаат и друго име - репродуктивни органи. Доколку изговарањето на поимот репродуктивни органи претставува тешкотија за Вашето дете/ученик/роднина/корисник истите именувајте ги само како машки органи/машки делови/делови за создавање на бебе.

Во рамки на семејството или блиското опкружување на Вашето дете/ученик/роднина/корисник посочете кои лица се машки (татко, брат, чичко, дедо, братучед и др.), а кои женски (мајка, сестра, тетка, баба, братучетка и др.).

Наведете и други личности од женски пол на таа возраст од семејството или блиското опкружување на Вашата ќерка/ученичка/роднина/корисничка. Доколку Вашата ќерка/ученичка/роднина/корисничка се уште не го поминала тој развоен период, односно е помлада, посочете или покажете слика од нејзина блиска женска личност, постара од неа (мајка, сестра, родина, другарка и сл.) која е во наведениот развоен период. Наведете дека и таа ќе биде баба, како лицето кое го посочивте како пример.

Наведете дека е во ред доколку нема маж и деца, односно не формира свое семејство.