12 - 18

Нагласете дека во сексуална врска присутни се сексуални чувства. Дополнете дека тие чувства се разликуваат од чувствата кои ги има во другите видови на врски (семејна, роднинска, комшиска, другарска итн.). Согласно можностите на Вашето дете/ученик/роднина/корисник потенцирајте дека љубовта кон девојката е различна од љубовта кон семејството, роднините или другарите и другарките. Сензациите кои ги предизвикуваат сексуалните чувства опишете ги како движење, треперење или скокоткање во стомакот и пределот на гениталиите. Важно е да се наведат овие сензации, за да може истите Вашето дете/ученик/роднина/корисник да ги препознае како последица на сексуалните чувства.

Доколку Вашето дете/ученик/роднина/корисник нема девојка, тогаш нагласете дека постои можност во иднина да има девојка. Потенцирајте дека со девојката Вашето дете/ученик/роднина/корисник ќе има сексуална врска.

Важно е да се нагласат активностите, допирите кои се практикуваат со другарите и другарките, за да Вашето дете/ученик/роднина/корисник истите ги препознае како соодветни, безбедни допири во рамки на другарска врска. Доколку има дополнителни активности, допири, кои се практикуваат меѓу другарите, другарките и Вашето дете/ученик/роднина/корисник, тогаш наведете ги и нив.

Наведете ги другарите и другарките на Вашето дете/ученик/роднина/корисник, односно именувајте ги истите според нивните лични имиња. Потенцирајте дека со другарите и другарките Вашето дете/ученик/роднина/корисник има другарска врска.

Важно е да се нагласат активностите, допирите кои се практикуваат со роднините, за да Вашето дете/ученик/роднина истите ги препознае како соодветни, безбедни допири во рамки на роднинската врска. Доколку има дополнителни активности, допири, кои се практикуваат меѓу роднините на Вашето дете/ученик/роднина, тогаш наведете ги и нив.

Набројте ги роднините (баба, дедо, тетка, чичко итн.) и согласно можностите на Вашето дете/ученик/роднина именувајте ги истите според нивните лични имиња. Потенцирајте дека со роднините Вашето дете/ученик/роднина има роднинска врска.

Важно е да се нагласат активностите, допирите кои се практикуваат во семејството, за да Вашето дете/ученик/роднина истите ги препознае како соодветни, безбедни допири во рамки на семејството. Доколку има дополнителни активности, допири, кои се практикуваат во семејството на Вашето дете/ученик/роднина, тогаш наведете ги и нив.

Набројте ги членовите на семејството (мама, тато, сестра, брат итн.) и согласно можностите на Вашето дете/ученик/роднина именувајте ги истите според нивните лични имиња. Како член од семејството набројте го и Вашето дете/ученик/роднина, да знае дека и тој припаѓа на семејството. Потенцирајте дека со семејството Вашето дете/ученик/роднина има семејна врска.

Набројте луѓе од блиското и подалечното опкружување на Вашето дете/ученик/роднина/корисник (членови на семејството, роднини, пријатели, познаници и сл.). Посочете со кои од нив се гледа често, а со кои ретко.

Нагласете дека е важно да ги почитуваме правилата на однесување со членовите на семејството, роднините, другарите, познаниците и странците, односно лицата кои не ги познаваме.